Տեղի է ունեցել ՀՀ վարչապետ Նիկոլ Փաշինյանի հեռախոսազրույցը ՌԴ նախագահ Վլադիմիր Պուտինի հետ։
Հայաստանի վարչապետի մամուլի ծառայության հաղորդման համաձայն, ՌԴ նախագահը ՀՀ վարչապետին տեղեկացրել է նախորդ շաբաթ Ադրբեջան կատարած իր այցի տպավորությունների մասին, ինչի համար վարչապետ Փաշինյանը շնորհակալություն է հայտնել նախագահ Պուտինին։Զրուցակիցները պայմանավորվել են առաջիկա պատեհ առիթով հանդիպել Հայաստան-Ռուսաստան երկկողմ օրակարգի հարցեր քննարկելու համար։
Նշենք, որ օգոստոսի 18-19-ը Բաքու կատարած այցի շրջանակում, հայ-ադրբեջանական կարգավորման համատեքստում Ռուսաստանի և Ադրբեջանի ղեկավարների բանակցություններում Վլադիմիր Պուտինը հաղորդել էր, որ Ալիևի հետ բանակցություններից հետո կզանգահարի Փաշինյանին և կպատմի հանդիպման արդյունքների մասին:
Comments